* این داستان اسکن شده از کتابی قدیمی می باشد

نبی‌نین ایلك یاشاییشی نبی تخمینا (1233 هجری شمسی) ایلده قوبادلی محالی‌نین آشاغی موللو كندینده آنادان اولموشدو.

اونون آتاسی علی كیشی چوخ یوخسول بیر آدام ایمیش. بو آدام بگلرین، قولچوماقلارین یئرلرینده ایشله‌ییب بئش باش كولفتینی چتینلیگنن دولاندیرارمیش.

علی كیشی اوقدر بورجلو ایدی كی، ایل باشینا (سَلَم)ین وئره بیلمیردی. علی كیشی گئجه‌ده یاتمیردی بگلره، هامپالارا اودون یغیردی، شئی داشییردی، آزجا مزد آلیب تاخیلا وئریردی. اونون كولفتی همیشه آرپا چؤره یی یئیردی.

علی كیشی ناعلاج قالیب بالاجا اوشاقلارینی‌دا نؤكر وئرمیشدی. وارلیلار علی كیشی نین اوشاقلارین آج ساخلاییردیلار. علی كیشی اورتانجیل اوغلو نبی‌نی اؤز كندلرینده كربلایی جعفر آدلی بیر آداما نؤكر وئرمیشدی.

نبی‌یه قارین دولوسو چؤرك وئرمیردی. اونا بیر یورونمه وئرمیشدی كی، او یورونمه‌یه بورونوب گئجه‌لر قویون ایچینده یائیردی.

او، نبی‌نن یولا گئدمیردی اونو چوخ دؤیوردو، اینجیدیردی. نبی‌ده دوشنده كربلایی جعفردن آدلامیردی، جاناوار یئدی، اوغورلاندی آدی ایله، اونون یاخشی قویونلارینی تلف ائدیردی. نبی‌‌اود كیمی اوشاق‌ایدی، كربلایی جعفر بیردئینده او، ایكی دئییردی. بعضا آجیق ائله‌ییب باشقا یئره قاچیردی. آتاسی علی اونو هده‌له ییب ایشینه قایتاریردی. نبی‌ده كندده وارلیلارین اوشاقلاری ایله گزمیردی. اوینایاندا اؤز طرفینه یوخسول، چیلپاق اوشاقلاری گؤتوروردو.

كندده اولان قولچوماق بگلر نبی‌دن شكایت ائتدیلر، اونلار علی كیشی‌یه دئدیلر كی اوغلونا اؤگود وئرمه‌سن، دجللیگی‌نین قاباغینی آلماسان، سنی كنددن سورگون ائده جه‌ییك. علی كیشی باخدی كی نبی‌نین دجللیگی‌نی تركیده بیلمیه‌جك. و فیكیرلشدی كی نبی‌نی ائولندیرسین، بلكه عاغیللانا.

موللو كندینده خانعلی آدلی بیر اورتاباب كندلی وارایدی. خانعلی نین هَجَر آدلی بیرقیزی وارایدی كی، اوشاقلیقدان نبی ایله بیر یئرده بؤیوموشدو. نبی هجری، هجرده نبی‌نی سئویردی. بونلار بیر بیریسینی گؤرمه سئیدی، قاراللاری گلمزدی.

علی كیشی نبی‌نین ده‌لیلیگی‌نین قاباغنینی آلماق اؤچون هجرین آتاسی خانعلی‌یه ائلچی گؤندردی. خانعلی ائلچی‌لره چوخ پیس باخدی. ائلچی‌لر ال چكمه‌ییب خانعلی‌یه دئدیلر ........

( Download دانلود

 

 

نوشته شده در تاریخ شنبه 21 اسفند 1389    | توسط: مسعود رضایی    |    | نظرات()